Sansar News
२८ माघ, काठमाडौं । आज देशैभरी आँशिकदेखि सामान्य बदली रही पहाडी भू–भागका थोरै स्थानहरुमा हल्का वर्षाको सम्भावना रहेको छ ।
मौसम पूर्वानुमान महाशाखाका अनुसार आज उच्च पहाडी तथा हिमाली भू–भागमा हल्कादेखि मध्यम हिमपातको सम्भावना रहेको छ ।
आज राति बागमती प्रदेश, गण्डकी प्रदेश, प्रदेश नं २ र प्रदेश नं १ मा आँशिकदेखि सामान्य बदली रही वाँकी भुभागहरुमा आँशिक बदली रहनेछ ।
बागमती प्रदेश, गण्डकी प्रदेश र प्रदेश नं १ का पहाडी भू–भागका थोरै स्थानहरुमा हल्का वर्षाको सम्भावना रहेको छ भने मध्य तथा पुर्वी उच्च पहाडी तथा हिमाली भू-भागमा हल्का देखि मध्यम हिमपातको सम्भावना रहेको छ ।
त्यस्तै आज काठमाडौंको विहानको न्यूनतम् तापक्रम ३.७ डिग्री मापन गरिएको छ भने अधिकतम तापक्रम २३.२ डिग्री मापन गरिएको छ ।
वि.सं.२०७७ माघ २८ बुधवार ११:०८ मा प्रकाशित
