Sansar News
माघ २८, काठमाडौं । पुष्पकमल दाहाल ‘प्रचण्ड’ र माधवकुमार नेपाल नेतृत्वको नेकपाले आज काठमाडौंमा विरोध सभा गर्दैछ । विरोध सभाका लागि काठमाडौं उपत्यकाका विभिन्न ५ ठाउँमा जुलुशहरु निस्किएका छन् ।
सबै स्थानबाट निस्किएका जुलुशहरु अहिले सभास्थल भृकुटीमण्डप नजिक पुगेका छन् ।
यसैक्रममा ललितपुरको पुल्चोकबाट पनि निस्किएको जुलुश भृकुटीमण्डप पुग्दैछ । ललितपुरबाट निस्किएको जुलुशको नेतृत्व स्थायी समिति सदस्य पम्फा भुसाल र रघुजी पन्तलगायतले नेतृत्व गरेका छन् ।
ललितपुरबाट निस्किएको जुलुशमा स्थायी समिति सदस्य एवं पूर्वसभामुख कृष्णबहादुर महरा पनि सहभागी भएका छन् ।
जेल मुक्तपछि महरा पहिलो पटक पार्टीको सार्वजनिक आन्दोलनमा देखिएका हुन् ।
वि.सं.२०७७ माघ २८ बुधवार १३:३५ मा प्रकाशित
