हामी सबैकाे संसारन्यूज

२९ फागुन, काठमाडौं । नेकपा माओवादी केन्द्र र जनता समाजवादी पार्टीका नेताहरुबीच छलफल भएको छ । माओवादी केन्द्रसँग छलफल गर्नका लागि जपासका नेताहरु शनिबार बिहान पेरिसडाँडा पुगेका थिए ।

छलफल सकारात्मक भएको तर कुनै टुंगोमा पुगिनसकेको छलफलमा सहभागी नेताहरुले बताएका छन् । बैठकपछि सञ्चारकर्मीसँग प्रतिक्रिया दिँदै जसपाका अध्यक्ष महन्थ ठाकुरले सबै पक्षसँग वार्ता भइरहेको भए पनि कुनै टुंगोमा नपुगेको बताए ।

कुनै समूहतिर पनि आफूहरु सुरक्षित नहरेको उनको भनाइ थियो । ठाकुरले भने, ‘हामी न्याय खोजिरहेका छौँ कहीँ पनि न्याय पाइरहेका छैनौँ ।’

पछिल्ला दिनहरुमा जसपाले कांग्रेस, माओवादी केन्द्र र नेकपा एमालेका प्रधानमन्त्रीसमेत रहेका केपी शर्मा ओलीसँग पनि लगातार संवाद गरिरहेको छ ।