हामी सबैकाे संसारन्यूज

५ चैत, काठमाडौं । तपाईको घर, वरपर, छिमेकमा कुनै दुर्घटना भयो तपाइ के गर्नु हुन्छ ? सबै मिलेर समस्या समाधान गर्न लाग्नुहुन्छ । तर गम्भीर प्रकृतिको घटनाहरुको प्रहरीको सहयोग लिन जरुरी हुन्छ । त्यसैले त्यस्ता घटना देख्नासाथ प्रहरीको १०० नम्बरमा फोन गरेर सहयोग माग्नुहोस् ।

तपाईको घरमा कोही विरामी भयो, तपाइसँग सवारी साधन छैन । छिमेकीको पनि छैन । या छिमेकीकोमा कोही विरामी भयो अस्पताल त लैजानु पर्यो । तर तत्काल कसरी लैजाने त ? मोबाइल लिनुहोस् र एम्बुलेन्सका लागि १०२ मा डायल गरेर आफ्नो लोकेसन दिएर बोलाउनु होस् । यो सेवा निःशुल्क हुनेछ ।

तपाइको घर अथवा छिमेकमा आगो लाग्यो भने के गर्नुहुन्छ ? तपाइले वरपर छरछिमेकको सहयोग माग्नुहुन्छ । तर, कम क्षति होस् भन्नका लागि त्यो भन्दा पहिले तपाइले आगो निभाउने दमकलका लागि १०१ नम्बर डायल गर्नुहोस् । यी सबै नम्बर डायल गर्नका लागि फोनमा ब्यालेन्स नभएपनि डायल गर्न सकिन्छ र सहयोग माग्न सकिन्छ ।

त्यस्तै सवारी साधन दुर्घटना भएमा प्रहरीको १०३ नम्बरको आपतकालिन अटलाइन नम्बर १०३ मा फोन गरेर सहयोग माग्न सक्नुहुन्छ ।
त्यस्तै बालबालिका हराएमा १०४ तथा लैङ्गिक हिंसा भएमा राष्ट्रिय महिला आयोगको आपतकालिन नम्बर ११४५ नम्बरमा फोन गरेर सहयोग माग्न सक्नुहुनेछ ।

हेर्नुहोस् यस्तो छ अन्य आपतकालिन नम्बरहरु