हामी सबैकाे संसारन्यूज

६ चैत्र, काठमाडौं । पञ्चकन्या समूहले भैरहवा विशेष आर्थिक क्षेत्रमा अवस्थित स्टेनलेस स्टिल ट्याङ्की उद्योग सञ्चालनमा ल्याएको छ । विहीवार एक विशेष कार्यक्रम गरी पञ्चकन्या समूहका उपाध्यक्ष ध्रुवकुमार श्रेष्ठले उद्योगको उद्घाटन गरे ।

नेपालमै पहिलो पटक १०,००० लिटरको एस. एस.ट्याङ्की यस उद्योगबाट उत्पादन हुनेछ र यस उद्योगले २५० देखि १०,००० लिटर सम्मको भर्टिकल तथा होरिजन्टल एस. एस. ट्याङ्कीउत्पादन गर्ने छ ।

उद्योगले वार्षिक ८०,००० वटा ३०४ तथा ३१६ ग्रेडका एस। एस। ट्याङ्की उत्पादन गर्नेछ । हाल काठमाडौं स्थित पहिलो उद्योगले भारतको लखनऊ तथा कलकत्ता क्षेत्रमा निकासी गरिरहेकोमा दोस्रो उद्योगले उत्तर भारतमा आफ्नो उत्पादन बिक्रिगर्ने उद्देश्य राखेको जानकारी समूहकाउप–महाप्रबन्धक देवेन्द्र साहुले गराए ।

आजको कार्यक्रममा रुपन्देही क्षेत्रका उद्योगी व्यवसायी, भैरहवा विशेष आर्थिक क्षेत्रका प्रमुख, पञ्चकन्या समूहकाकर्मचारी तथा अन्य व्यक्तित्वहरुको उपस्थिति रहेको थियो । पञ्चकन्या समूहले नेपालमा पहिलो पटक २०६९ सालदेखि एस. एस. ट्याङ्कीउद्योग सञ्चालनमा ल्याएको थियो ।