हामी सबैकाे संसारन्यूज

१५ बैशाख, काठमाडौं । च्याम्पियन्स लिग सेमिफाइनलको पहिलो लेगमा स्पेनिस च्याम्पियन रियल मड्रिड र इंग्लिस क्लब चेल्सीले बराबरीको नतिजा निकालेका छन् ।

रियलको घरेलु मैदान अलफ्रेदो दी स्टेफेनोमा गएराति भएको खेलमा पहिलो हाफमा दुबै टिमले गरेको एकएक गोलनै खेलको निर्णायक गोल बनेको हो । दोस्रो लेग अब चेल्सीको घरेलु मैदानमा हुनेछ ।

रियलको घरेलु मैदानमा खेलको १४ औँ मिनेटमा पुलिसिकको गोलबाट चेल्सीले अग्रता लिएको थियो। तर, पहिलो हाफकै २९ औँ मिनेटमा करिम बेन्जिमाले उत्कृष्ट गोलगर्दै रियललाई खेलमा फर्काएका थिए ।

सेमिफाइन अन्तरगतकै दोस्रो खेल आज इंग्लिस क्लब म्यानचेस्टर सिटी र फ्रेन्च क्लब पिएसजीबीच हुनेछ। पेरिसको घरेलु मैदानमा हुने खेल नेपाली समय अनुसार राति १२ः४५ मा हुने छ । सेमिफाइनलको दोस्रो लेग आगामी ५ र ६ मेमा हुनेछ।