हामी सबैकाे संसारन्यूज

३० वैशाख, काठमाडौं । नेपाल धितोपत्र बोर्डले कोरोना सुरक्षा मापदण्ड कडाईका साथ पालना गर्न सेयर ब्रोकर कम्पनी तथा मर्चेन्ट बैंकहरुलाई निर्देशन दिएको छ ।

बोर्डले बिहीबार एक निर्देशन जारी गरी कोभिड १९ महामारीको संक्रमण बढीरहेको सन्दर्भमा सुरक्षाका उपायहरु अपनाउन बढी ध्यान पु¥याउन आग्रह गरेको हो ।

सिस्टम चलाउन बढीमा ३ जनामात्रै कर्मचारी कार्यालयमा खटाउन बाहेक अरु कर्मचारीहरुलाई वर्क फ्रम होममा लगाउन निर्देशन दिएको छ ।

साथै साना लगानीकर्ताहरुलाई सेयर बिक्री गरेको रकम उनीहरुको माग बमोजिम आवश्यकता अनुसारको रकम सम्भव भएसम्म तत्कालै उपलब्ध गराउन समेत निर्देशन दिँदै कोरोना नियन्त्रणका लागि सरकारले जारीगरेको आदेशसमेत पालना गर्न सम्बन्धित सबैसँग आग्रह गरिएको छ ।