Sansar News
६ जेठ, काठमाडौं । नेकपा (माओवादी केन्द्र) को स्थायी कमिटीको बैठक बस्दैछ ।
बिहीबार बिहान ११ बजे पेरिसडाँडामा बस्ने भनिएको उक्त बैठकमा पछिल्लोपटक देशमा बढ्दै गएको कोरोना भाइरसको महारमारी रोकथाम तथा न्यूनिकरणका विषयमा छलफल तथा निर्णय गरिने सचिवालयले जनाएको छ ।
बुधबार पार्टी कार्यालय पेरिसडाँडामा बसेको बैठकमा अध्यक्ष पुष्पकमल दाहाल ‘प्रचण्ड’ ले कोरोना महामारीका बारेमा विज्ञ तथा चिकित्सकहरुसँग छलफल तथा परामर्श गरेका थिए ।
सोहि छलफलबाट आएका सल्लाह तथा सुझावका आधारमा महामारी रोकथामका लागि विभिन्न योजना तथा कार्यक्रमहरु आज बस्ने स्थायी कमिटीको बैठकले निर्णय गर्ने पनि प्रचण्डकी स्वकीय सचिव गंगा दाहालले जानकारी दिएकी छन् ।
वि.सं.२०७८ जेठ ६ बिहीवार ०८:४६ मा प्रकाशित
