Sansar News
६ जेठ, काठमाडौँ । वरिष्ठ अधिवक्ता तथा संविधानविद् डा. भीमार्जुन आचार्यले संविधान दुई जनाको गोप्य डायरी नभएको स्पष्ट पारेका छन् ।
संचारमाध्यमसँग कुराकानी गर्दै अधिवक्ता आचार्यले संविधानमाथिको सतप्रतिशत आक्रमण र हदै अराजकताको पराकाष्ट भएको बताएका छन् ।
विश्वासको मत लिनु पर्ने प्रधानमन्त्रीले फेरि पनि संसदलाई छलेर राष्ट्रपतिलाई तत्काल सरकार गठनको आह्वान गर्न लगाउनु गैरसंवैधानिक काम भएको पनि उनले बताएका छन् ।
सामाजिक सञ्जालमा उनले विश्वासको मत लिने प्रक्रिया प्रारम्भ हुनु पूर्व नयाँ सरकार गठनको आब्हान् गर्न सक्ने संवैधानिक ब्यवस्था नभएको बताएका छन् । राजीनामा वा विश्वासको मतबाट प्रधानमन्त्री पदमुक्त नभए सम्म अर्को सरकार गठनको सिफारिश हुनै नसक्ने बताउँदै प्रधानमन्त्रीको नियत नै संसद् विघटन गर्न खोजेको देखिएको बताएका छन् ।
विश्वासको मत लिने प्रक्रिया प्रारम्भ हुनु पूर्व नयाँ सरकार गठनको आब्हान् गर्न सक्ने संवैधानिक ब्यवस्था छैन। राजीनामा वा विश्वासको मतबाट प्रधानमन्त्री पदमुक्त नभए सम्म अर्को सरकार गठनको सिफारिश हुन सक्दैन। नियत नै ७६.३ को प्रधानमन्त्रीले संसद् विघटन गर्न खोजेको जस्तो देखियो।
— Bhimarjun Acharya (@BhimarjunPhD) May 20, 2021
वि.सं.२०७८ जेठ ६ बिहीवार २०:३९ मा प्रकाशित
