Sansar News
जेठ ६, काठमाडौं । राष्ट्रपति विद्यादेवी भण्डारीले संविधानको धारा ७६ (५)अनुसार नयाँ सरकार गठन गर्न आव्हान गरेकी छिन् । बिहीबार बसेको मन्त्रिपरिषदको निर्णयको सिफारिसअनुसार राष्ट्रपति भण्डारीले नयाँ प्रधानमन्त्री नियुक्तीका लागि आव्हान गरेकी हुन् ।
बिहिबार दिउँसो बसेको मन्त्रिपरिषद बैठकमा प्रधानमन्त्री केपी शर्मा ओलीले विश्वासको मत नलिने र वैकल्पिक सरकार गठनका लागि मार्ग प्रशस्त गर्ने निर्णय सुनाएका थिए । ओलीको निर्णयका आधारमा राष्ट्रपतिले दललाई २१ घण्टे समय दिँदै सरकार गठनको लागि आव्हान गरेकी हुन् ।
संविधानको धारा ७६ को उपधारा ९५० अनुसार आफूले बहुमत सिद्ध गर्ने आधारसहित गरी प्रतिनिधि सभाका कुनैपनि सदस्यले प्रधानमन्त्री पदका लागि दाबी प्रस्तुत गर्न सक्छन्। राष्ट्रपतिले जेठ ७ गते (शुक्रबार) साँझ ५ बजेसम्मको समयसीमा दिएकी छिन् ।
वि.सं.२०७८ जेठ ६ बिहीवार २०:२३ मा प्रकाशित
