हामी सबैकाे संसारन्यूज

काठमाडौं । नेपालमा लेखा (एकाउन्टिङ) शिक्षाको गुणस्तर सुदृढ गर्ने उद्देश्यले काठमाडौँस्थित प्लाटिनम–स्तरको ACCA प्रदायक संस्था ब्रिटिश प्रोफेसनल कलेज (BPC) र ACCA बीच सहकार्य भएको छ । यस सहकार्य अन्तर्गत गण्डकी प्रदेशका स्थानीय शिक्षकहरूलाई विश्वव्यापी तथा राष्ट्रिय वित्तीय प्रतिवेदन मापदण्डहरूमा दक्ष बनाउन पोखरामा एक विशेष कार्यशाला आयोजना गरिने भएको छ ।

ब्रिटिश एजुकेशन ग्रुप अन्तर्गत सञ्चालित कलेजले पोखरा इभेन्ट सेन्टरमा IFRS र NFRS सम्बन्धी एकाउन्टिङ शिक्षक कार्यशाला” सञ्चालन गर्न लागेको हो । आगामी जुन ६, २०२६ (जेठ २३ गते) आयोजना हुने यस कार्यशालाले उच्च माध्यमिक तहका शिक्षकहरूको प्राविधिक क्षमता बढाउने लक्ष्य राखेको छ । विशेष गरी अन्तर्राष्ट्रिय वित्तीय प्रतिवेदन मापदण्ड (IFRS) र नेपाल वित्तीय प्रतिवेदन मापदण्ड (NFRS) का क्षेत्रमा भइरहेका तीव्र परिवर्तनहरूलाई ध्यानमा राखेर यो कार्यक्रम डिजाइन गरिएको कलेजले जनाएको छ ।

कार्यक्रमको विस्तृत विवरणः

कार्यक्रमः IFRS/NFRS सम्बन्धी एकाउन्टिङ शिक्षक कार्यशाला
मितिः ६ जुन २०२६ (शनिबार)
समयः बिहान ९ः३० बजेदेखि बेलुका ५ः३० बजेसम्म
स्थानः सगरमाथा हल, पोखरा इभेन्ट सेन्टर

दर्ता लिंक: यहाँ क्लिक गरी दर्ता गर्नुहोस्

यस प्राविधिक सत्रको नेतृत्व FCCA  बिक्रान्त आचार्यले गर्नुछन् । सत्रमा IFRS, NFRS, समकालीन एकाउन्टिङ अभ्यासका साथै वित्त र व्यावसायिक शिक्षाका नयाँ प्रवृत्तिहरूमाथि गहन छलफल हुनेछ । प्राविधिक तालिमका साथै यो कार्यक्रमले शिक्षकहरूबीच नेटवर्किङ र ज्ञान आदानप्रदानको महत्त्वपूर्ण अवसर समेत प्रदान गर्नेछ, जसले समग्र नेपालकै लेखा शिक्षाको गुणस्तर सुधार्न सहयोग पुर्‍ याउने विश्वास गरिएको छ ।

के भन्छन् नेतृत्वकर्ता ?

कार्यक्रमको महत्वबारे प्रष्ट पार्दै ब्रिटिश एजुकेशन ग्रुप (BEG) का प्रोफेशनल एजुकेशन प्रमुख दिपेन्द्र कुमार श्रेष्ठले भने, “प्लाटिनम–स्तरको प्रदायकका रूपमा BPC/BEG व्यावसायिक शिक्षामा नयाँ मापदण्ड स्थापित गर्न प्रतिबद्ध छ । यस कार्यशालामार्फत हामी कक्षाकोठाको शिक्षालाई विश्वव्यापी उद्योग मापदण्डसँग जोड्ने प्रयास गर्दैछौं । जसले पोखराका शिक्षकहरूलाई विश्वस्तरीय प्रशिक्षण प्रदान गर्न सक्षम बनाउनेछ ।

उत्कृष्टताको निरन्तर यात्रा

ब्रिटिश प्रोफेसनल कलेज (BPC) ब्रिटिश एजुकेशन ग्रुपको एक सदस्य संस्था हो । यस ग्रुप अन्तर्गत काठमाडौँस्थित द ब्रिटिश कलेज लगायत नेपाल, क्यानडा, बेलायत र यूएईका विभिन्न शैक्षिक संस्थाहरू समावेश छन् ।

काठमाडौँ र पोखरा क्याम्पस सहित गुणस्तरीय व्यावसायिक एकाउन्टेन्सी शिक्षा प्रदान गर्दै आएको BPC ले लेखा, वित्त र व्यवसायमा विश्वव्यापी मान्यता प्राप्त शैक्षिक मार्ग प्रदान गर्दै विद्यार्थी र शिक्षकहरूलाई सशक्त बनाउँदै आएको छ । यस्ता कार्यक्रमहरूले शिक्षक, उद्योग विशेषज्ञ र ACCA जस्ता अन्तर्राष्ट्रिय संस्थाहरूसँगको सहकार्यलाई थप बलियो बनाउने कलेजको भनाइ छ ।