हामी सबैकाे संसारन्यूज

६ जेठ, काठमाडौँ । नेकपा (माओवादी केन्द्र)का नेता तथा पूर्वमन्त्री वर्षमान पुनले राष्ट्रपतिको संबिधानमाथिको मजाक अति भएको बताएका छन् ।

नेता पुनले टिव्टरमा टिव्ट गर्दै प्रधानमन्त्री केपी शर्मा ओलिको अनुरोधमा राष्ट्रपति विद्यादेवी भण्डारीले संविधानको धारा ७६ (५) अनुसार नयाँ सरकार गठन गर्न आव्हान गरेर संविधानमाथि नै मजाक गरेको बताएका हुन् ।

प्रधानमन्त्री ओली र राष्ट्रपतिले संबिधान, लोकतन्त्र र जनमतमाथि गर्नुसम्मको अपमान गरेको बताउँदे इतिहास र जनताले यसको जवाफ खोज्नेसमेत बताएका छन् ।

टिव्टमा लेखेका छन् “राष्ट्रपतिको संबिधानमाथिको यो हदसम्मको मजाक अब त अतिभयो । बिश्वास लिन नचाहने प्रधानमन्त्रीले राजिनामा दिएर मार्ग प्रशस्त गर्नुपर्ने होइन र? केपी ओली र राष्ट्रपतिले संबिधान,लोकतन्त्र र जनमतमाथि गर्नुसम्मको अपमान गरे । इतिहास र जनताले यसको जवाफ खोज्नेछ।”