हामी सबैकाे संसारन्यूज

७ जेठ, काठमाडौं । प्रधानमन्त्री केपी शर्मा ओली आफ्नो नेतृत्वमा सरकार गठनका लागि दावी गर्दै शितल निवास पुगेर फर्किएका छन् ।

नेपाली कांग्रेसका सभापति शेर बहादुर देउवाले १४९ सांसदको हस्ताक्षर बोकेर शितल निवास पुग्नु अगावै प्रधानमन्त्री केपी शर्मा ओली शितल निावासमा झण्डै आधा घण्टा विताएर फर्किएको स्रोतले जनाएको छ ।

प्रधानमन्त्री ओलीका प्रमुख राजनीतिक सल्लाहकार विष्णु रिमालले ओलीले नेकपा (एमाले)का १२१ र जसपाका ३२ गरी १५३ जना सांसदको समर्थन आफूलाई रहेको पत्रसहित प्रधानमन्त्री केपी शर्मा ओलीले संविधानको धारा ७६(५) वमोजिम प्रधानमन्त्री पदको लागि दावी गरेको बताएका छन् ।

नेकपा (एमाले)का १२१ र जसपाका ३२ गरी १५३ जना सांसदको समर्थन आफूलाई रहेको पत्रसहित प्रधानमन्त्री केपी शर्मा ओलीले संविधानको धारा ७६(५) वमोजिम प्रधानमन्त्री पदको लागि दावी गर्नु भएको छ।

— Bishnu Rimal (@BishnuRimal) May 21, 2021

राष्ट्रपति विद्यादेवी भण्डारीले शुक्रबार ५ बजेभित्रमा बैकल्पिक सरकार गठनका लागि आव्हान गरेपछि प्रधानमन्त्री ओली तथा विपक्षी गठबन्धनका नेताहरु शितल निवास पुगेका छन् ।