हामी सबैकाे संसारन्यूज

१० जेठ, काठमाडौं । नेकपा (क्रान्तिकारी माओवादी), देशभक्त जनगणतान्त्रिक मोर्चा, नेपाल लगायत २२ दलीय मोर्चाले राष्ट्रपतिले गरेको गलत निर्णय खारेज गर्न माग गरेको छ ।

मोर्चाको तर्फबाट देशभक्त जनगणतान्त्रिक मोर्चा, नेपालका अध्यक्ष सीपी गजुरेलद्वारा जारी प्रेस विज्ञप्तीमा यतिखेर जनताको जीवनरक्षामा केन्द्रत हुनुपर्नेमा पुनः संसद विघटन गरेर निर्वाचनको मिति तोकिनुको पछाडी ठूलो षड्यन्त्र लुकेको जनाइएकाे छ ।

राष्ट्रपतिले गरेका गलत निर्णय सच्याउन माग गर्दै भनिएको छ, “विश्व स्वास्थ्य सङ्गठन र स्वास्थ विशेषज्ञहरुले आगामी मङ्सिर र पुसमा कोरोना महामारीको तेस्रो लहर आउन सक्ने र त्यो अहिलेको भन्दा पनि बढी क्षति पु¥याउने किसिमको हुने चेतावनी दिएकै समयमा कथित संसदीय निर्वाचनको मिति तोकिनुले यसपछाडि ठूलो षड्यन्त्र लुकेको छ भन्ने बुझ्न सकिन्छ । जनता आफ्नो जीवनरक्षा चाहन्छन्, चुनाव होइन । यतिखेर हाम्रो आवश्यकता जीवनरक्षा हो, संसदीय निर्वाचन होइन । त्यसकारण, सम्पूर्ण राष्ट्रलाई नै यतिखेर जनताको जीवनरक्षामा केन्द्रित हुन हामी अपिल गर्दछौं र यससम्बन्धी राष्ट्रपतिले गरेको गलत निर्णय अविलम्ब खारेज गर्न हामी जोडदार माग गर्दछौं ।”

‘यतिखेर नेपाल राष्ट्र र नेपाली जनताको पहिलो र सर्वोच्च प्राथमिकताको विषय जीवनरक्षा हो । यसप्रति राष्ट्रपति र प्रधानमन्त्रीमा देखिएको तिरस्कार र संवेदनहीनताको हामी भत्र्सना गर्दछौँ,’ विज्ञप्तिमा उल्लेख छ ।

देशमा संकट पैदा गराउन मलजल गरी यस्तो स्थितिबाट फाइदा उठाएर विदेशी शक्तिहरुको चलखेल बढाउने गरी राष्ट्रिय सार्वभौमिकतामाथि आँच आउने गतिवधि भैरहेको प्रति सचेत हुन आह्वान गरिएको छ ।

यी हुन् कार्यगत एकतामा सम्मिलित २२ राजनीतिक दलहरु :
१) नेकपा (मसाल),
२) नेकपा (क्रान्तिकारी माओवादी),
३) राष्ट्रिय जनमोर्चा, नेपाल,
४) देशभक्त जनगणतान्त्रिक मोर्चा, नेपाल,
५) नेपाल कम्युनिस्ट पार्टी,
६) नेकपा (माओवादी केन्द्र),
७) नेकपा (माओवादी केन्द्र),
८) राष्ट्रिय जागरण मञ्च,
९) जनसमाजवादी पार्टी,
१०) नेकपा (संयुक्त),
११) राष्ट्रिय जागरण परिषद्, नेपाल,
१२) वैज्ञानिक समाजवादी कम्युनिस्ट पार्टी,
१३) नेकपा (बोल्शेविक),
१४) राष्ट्रवादी केन्द्र, नेपाल,
१५) एम.सी.सी.खारेज अभियान,
१६) पुष्पलाल अध्ययन समाज,
१७) सर्वहारा कम्युनिस्ट पार्टी (माओवादी),
१८) माक्र्सवादी एकता अभियान,
१९) नेकपा (माक्र्सवादी),
२०) नेकपा माक्र्सवादी (पुष्पलाल),
२१) ने.क.पा. (माओवादी) र
२२) समाजवादी राष्ट्रिय मञ्च, नेपाल लगायत रहेका छन् ।