Sansar News
११ जेठ, काठमाडौं । कोभिड–१९ संकट व्यवस्थापन केन्द्र (सीसीएमसी)को प्रमुख कार्यकारी अधिकृत (सीईओ)मा बालानन्द शर्मा नियुक्त भएका छन् ।
सोमबार साँझ बसेको मन्त्रिपरिषद बैठकले नेपाली सेनाका पूर्वरथी शर्मालाई सीसीएमसीको सीईओमा नियुक्त गरेको प्रधानमन्त्रीका परराष्ट्र मामिला सल्लाहकार राजन भट्टराइले सामाजिक सञ्जालमार्फत जानकारी दिएका छन् ।
सरकारले उपप्रधानमन्त्री ईश्वर पोखरेल संयोजक रहेको सिसिएमसीले कोरोना भाइरस रोकथाम तथा नियन्त्रणका लागि प्रभावकारी काम गर्न नसकेपछि सरकारले अध्यादेश मार्फत CCMC को पुनर्गठन गरि प्रधानमन्त्रीको अध्यक्षतामा निर्देशक समिति बनाएको थियो ।
वि.सं.२०७८ जेठ ११ मंगलवार ०९:३० मा प्रकाशित
