हामी सबैकाे संसारन्यूज

११ जेठ, काठमाडौं । कोरोना संक्रमितको उपचारका लागि अत्यावस्यक रहेको अक्सिजन कन्सन्टेटर सहयोगका लागि पाल्पाली संगम अमेरिकाले सहयोग अभियान अगाडी बढाएको छ ।

पाल्पाली संगमका अमेरिकाका संयोजक महेश भट्टराईको संयोजकत्वमा अगाडि बढेको उक्त अभियानमा हालसम्म ९४ जनाले आर्थिक सहयोग गरेको र १५,५०१ डलर (१५ लाख रुपैयाँ बढी) संकलन भएको जानकारी पाल्पाली संगमका केन्द्रीय अध्यक्ष पदम न्यौपानेले संसारन्युजलाई जानकारी दिएका छन् ।

फ्लोरिडामा रहेका सविन कार्कीले पाल्पाका कोरोना संक्रमितका लागि गो फन्डमार्फत् २०२९ अमेरिकी डलर संकलन गरेका छन् । उक्त रकम अक्सिमिटर खरिदका लागि खर्च गरिने बताइएइको छ ।
त्यस्तै २० अक्सिजन सिलिण्डर खरिदका लागि नुज इन्टरनेशनल काठमाडौंलाई ८,९४७ डलर भुक्तानी दिइसकिएको पनि अध्यक्ष न्यौपानेले जानकारी दिएका छन् ।

उक्त २० अक्सिजन कन्सन्टेटर पाल्पाको जनस्वास्थ्य कार्यालयमा पुगिसकेको र आज भोली नै पाल्पाका हेल्थ पोष्ट र कोरोना विशेष अस्पतालमा वितरण गरिनेछ । साथै अन्य रकम अस्पतालहरुका लागि कार्डियक मनिटर तथा पाल्पाका सबै पालिकाको एम्बुलेन्सका लागि डिजिटर ब्लड प्रेशर मेशिन (गुल्कोमिटर) सहयोग गर्ने प्रक्रियामा रहेको बताइएको छ ।

आर्थिक अभियान जिम्मेवारी लिएका धर्म आचार्य र नेपालमा रकम पठाउन सहयोग गरेका शिव नेपाल, स्वास्थ्य अभियानका लागि टिमको नेतृत्व गरेका डा. सन्दीप पाण्डे, अनलाइनमार्फत् सबैलाई जुट्नका लागि सहयोग गरेका पाल्पाली संगमका अन्तराष्ट्रिय संयोजक सतिश चापागाईँ, पाल्पाली डिएमभी एरिया संयोजक पर्शु नेपाल, स्वास्थ्य समाग्री पाल्पा पठाउन मुख्य भूमिका निर्वाह गर्ने सेमन्त खराल, केशव आचार्य, संयोजन वितरणका लागि सहजकर्ताको भूमिका निर्वाह गर्ने जिल्ला स्वास्थ्य अधिकृत ओम प्रकाश पन्थी, लुम्बिनी मेडिकल कलेजका नेलराज नेपाल, तानपाका जनस्वास्थ्य अधिकृत झपेन्द्र न्यौपाने तथा पाल्पाली संगम अमेरिकाको अनुरोधमा आर्थिक सहयोग गर्ने सम्पूर्णप्रति अध्यक्ष न्यौपानेले धन्यवाद ज्ञापन गरेका छन् ।