हामी सबैकाे संसारन्यूज

११ जेठ, काठमाडौं । पूर्व प्रधानमन्त्री तथा  जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराई प्रधानन्यायाधिशलाई मध्यरातमा निवास बोलाउन शुभ संकेत नभएको बताएका छन् ।

प्रधानमन्त्री केपी शर्मा ओलीले सोमबार राति प्रधानन्यायाधिश चोलेन्द्र समशेर जवरालाई छलफलका लागि बालुवाटार बोलाएको समाचार सार्वजनिक भएपछि डा. भट्टराईले ट्विटरमार्फत् यस्तो टिप्पणी गरेका हुन् ।

प्रधान न्यायाधीशलाई प्रमले मध्यरातमा निवास बोलाउने,विदेशी दूतले पटकपटक भेट्ने आदि समाचार/हल्ला ळोकतन्त्रकालागि शुभसंकेत हैनन्! खिलराज रेग्मी प्रकरण अन्तरिम संविधानकालको अपवाद हो,त्यो नियम/नजीर बन्न सक्दैन। राज्यका प्रमुख अंग धुजाधुजा पारेर संविधान/लोकतन्त्र मास्ने खेल पूरा नहोस्!

— Baburam Bhattarai (@brb1954) May 25, 2021

‘प्रधान न्यायाधीशलाई प्रमले मध्यरातमा निवास बोलाउने, विदेशी दूतले पटकपटक भेट्ने आदि समाचार÷हल्लाको लोकतन्त्रका लागि शुभसंकेत हैनन् ! खिलराज रेग्मी प्रकरण अन्तरिम संविधानकालको अपवाद हो,त्यो नियम/नजीर बन्न सक्दैन । राज्यका प्रमुख अंग धुजाधुजा पारेर संविधान÷लोकतन्त्र मास्ने खेल पूरा नहोस् !’ नेता भट्टराईले भनेका छन् ।

सोमबार प्रतिनिधिसभा विघटनको निर्णयलाई बदरको माग गर्दै विपक्षी गठबन्धनका १४६ सांसदहरुले सर्वोच्च अदालतमा मुद्दा दायर गरेकै दिन प्रधानमन्त्रीले प्रधानन्यायाधिशलाई बालुवाटारमा छलफलका लागि बोलाएको भन्ने समाचार सार्वजनिक भएको थियो ।