हामी सबैकाे संसारन्यूज

१२ जेठ, काठमाडौँ । श्रीलंकाविरुद्धको तीन खेलको एकदिवसीय सिरिज घरेलु टिम बंगलादेशले एक खेल अगावै जितेको छ । बंगलादेशले हिजो सम्पन्न भएको खेलमा श्रीलंकालाई १०३ रनले पराजित गरेको हो ।

टस जितेर पहिले ब्याटिङ्ग गरेको बंगलादेशको टिमले ४८.१ ओभरले १० विकेट गुमाएर २४६ रन बनाएको थियो । बंगलादेशका लागि ब्याटिङ्गमा मुशफिकुर रहिमले सतकीय पारी खेलेका थिए । उनी १२७ बलमा १२५ रन बनाएर आउट भएका थिए भने श्रीलंकाका लागि चमिराले सर्वाधिक ३ विकेट लिएका थिए ।

२४७ रनको लक्ष्य पाएको श्रीलंकाले १४१ रन मात्र बनाउन सक्यो । श्रीलंकाका लागि दनुष्का गुणथिलाकाले सर्वाधिक २४ रन बनाएका थिए भने बंगलादेशका लागि मुसफिकुर रहिमले सर्वाधिक ३ विकेट लिएका थिए ।

बंगलादेशले श्रीलंकाविरुद्धको एकदिवसीय सिरिज पहिलो पटक जित्दै इतिहास बनाएको हो ।