हामी सबैकाे संसारन्यूज

जेठ ११, काठमाडौं । नेकपा (एमाले)ले थप १२ नेताहरुलाई स्पष्टीकरणको पत्र पठाउने भएको छ । सोमबार बसेको स्थायी समिति बैठकको निर्णयअनुसार आज थप १२ जनालाई स्पष्टीकरण पत्र पठाउन लागिएको हो ।

सोमबारको बैठकले माधवकुमार नेपाल र झलनाथ खनालसहित उनीहरु पक्षीय ११ सांसदलाई पार्टी सदस्यसमेत नरहने गरि निष्कासन गरेको थियो । एमालेले विपक्षी गठबन्धनको सरकार बनाउन हस्ताक्षर चलाएका २३ सांसद कारबाही गर्ने निर्णय गरेअनुसार थप १२ नेताहरुलाई स्पष्टीकरण सोधेको हो ।

बुधबार नेताहरु सुरेन्द्र पाण्डे, विरोध खतिवडा, जीवनराम श्रेष्ठ, घनश्याम भुसाल, सोमप्रसाद पाण्डे, कृष्णलाल महर्जन, झपट रावल, भवानीप्रसाद खापुङ, यज्ञ सुनुवार, मेटमणि चौधरी, दीपकप्रकाश भट्ट र नारायण खतिवडा स्पष्टीकरण पत्र पठाउन लागिएको बताइएको छ ।

एमालेमा कर्णाली प्रकरणदेखि कारबाहीको श्रृंखला चलेको छ । एमालेको संस्थापन पक्षले कर्णाली प्रदेशसभा, बागमती राष्ट्रिय सभा र केन्द्रमा सरकार बनाउन विपक्षीलाई सहयोग गर्ने माधव समूहमाथि चरणबद्ध कारबाही गर्दै आएको छ ।