Sansar News
१६ जेठ, काठमाडौँ । इंग्लिस क्लब चेल्सीले युरोपियन च्याम्पियन्स लिगको उपाधि जितेको छ ।
शनिबार सम्पन्न भएको फाइनल खेलमा म्यानचेस्टर सिटीलाई १-० गोलले पराजित गर्दै चेल्सीले दोस्रो पटक च्याम्पियन्स लिगको उपाधि जितेको हो ।चेल्सीले खेलको ४२ मिनेटमा अग्रता लिएको थियो । चेल्सीका लागि काइ हभार्ट्जले गोल गरेका थिए ।
यसअघि चेल्सीले सन् २०१२ मा पहिलो पटक च्याम्पियन्स लिगको उपाधि जितेको थियो । पहिलो पटक फाइनलमा पुगेको सिटीको भने उपाधि जित्ने लक्ष्य भने अधुरै रह्यो ।
वि.सं.२०७८ जेठ १६ आइतवार १०:०२ मा प्रकाशित
