हामी सबैकाे संसारन्यूज

१७ जेठ, काठमाडौं । नेपाली कांग्रेसले क्रियाशील सदस्यता इन्ट्री गर्नका लागि थप एकसाता समय बढाएको छ ।

कांग्रेसले २०७ स्थानमध्ये १०६ स्थानका क्रियाशील सदस्यहरुको नामावली सफ्टवेयरमा इन्ट्री गर्न बाँकी रहेकोले २०७८ जेठ २५ गते राति १२ बजेसम्मका लागि कम्युटर सफ्टवेयर खुला गरिएको जानकारी दिएको छ ।

‘सम्बन्धीत प्रतिनिधिसभा क्षेत्रले नयाँतर्फको र जिल्लाले नवीकरण तर्फको सम्पूर्ण नामावली तोकिएको मितिभित्र केन्द्रबाट उपलब्ध गराइएको सफ्टवेयरमा इन्ट्री गर्नुहुन र कुनै त्रुटी भएको भए सच्याउनुहुन जानकारी गराइन्छ ।’ कांग्रेसद्धारा आइतबार जारी सूचनामा भनिएको छ ।

कांग्रेसले कूल २०७ स्थानमध्ये १०१ स्थानबाट सदस्यहरुको नामावली इन्ट्री गरिसकेको छ भने बाँकी १०६ स्थानको इन्ट्र गर्नका लागि समयअबधि थप गरिएको हो । कांग्रेसमा हालसम्म नयाँ क्रियाशील सदस्य ३ लाख ९३ हजार ८३५ र नविकरण गरिएका सदस्य ३ लाख ६७ हजार २४७ रहेको बताइएको छ ।