Sansar News
१७ जेठ, काठमाडौँ । फिफा विश्वकप २०२२ कतार र एएफसी एसियन कप २०२३ चीनको दोस्रो चरणको प्रतिस्पर्धाका लागि नेपाली राष्ट्रिय फुटबल टिम कुवेत पुगेको छ ।
शनिबार इराकसँग मैत्रीपूर्ण खेल खेलेपछि नेपाली टिम स्थालमार्ग हुँदै आइतबार राति कुवेत पुगेको हो । शनिबार भएको मैत्रीपूर्ण खेलमा नेपाललाई इराकले ६-२ गोलले पराजित गरेको थियो ।
विश्वकप छनोटमा नेपालले अहिलेसम्म एक खेलमा मात्र जित हात पारेको छ। चार खेलमा नेपाली टिम पराजित भइसकेको छ । नेपाल ३ अंक जोड्दै चौथो स्थानमा छ । नेपालले एसिया कपको तेस्रो चरणमा स्थान बनाउन कम्तिमा चौथो स्थान हात पार्नु पर्नेछ । विश्वकप छनोटको तेस्रो चरणमा पुग्ने नेपालको सम्भावना भने लगभग सकिएको छ ।
नेपालले पहिलो खेल ताइपेईसँग २० जेठमा, दोस्रो खेल जोर्डनसँग २४ जेठ र तेस्रो खेल २८ जेठमा अस्ट्रेलियासँग खेल्नेछ ।
वि.सं.२०७८ जेठ १७ सोमवार ०९:४० मा प्रकाशित
