हामी सबैकाे संसारन्यूज

२१ जेठ, काठमाडौँ । जनता समाजवादी पार्टी संघीय परिषद्का अध्यक्ष तथा पूर्व प्रधानमन्त्री डा. बाबुराम भट्टराईले दीपावली गर्ने र ब्ल्याकआउट गर्नेको घाँटी कसरी जोडियो भन्दै व्यङ्ग्य गरेका छन् ।

कामचलाउ प्रधानमन्त्री केपी शर्मा ओलीले जसपाकाे महन्थ ठाकुर पक्षलाई समावेश गर्दै मन्त्रीपरिषद् विस्तार गरेपछि टिप्पणीका रुपमा नेता भट्टराईले यस्तो सवाल गरेका हुन् ।

उनले अन्धराष्ट्रवादको नारा दिएर पहाडी मतदाता ठग्ने र क्षेत्रीयतावादका कुरा गरेर मधेसी मतदाता ठग्ने दुई अतिवादीबीच सत्ताका लागि मात्र घाँटी जोडिएको कुरा स्पष्ट भएको भन्दै उनले यसबाट दुवैको मुकुण्डो उत्रिएको बताएका छन् ।

उनले सामाजिक सञ्जाल टिव्टरमा लेखेका छन् : ‘यक्ष प्रश्न – संविधान जारी हुॅदा दीपावली गर्ने र ब्ल्याकआउट गर्नेको घॉटी कसरी जोडियो ?, अन्धराष्ट्रवादको नारा दिएर पहाडी मतदाता ठग्ने र क्षेत्रीयतावादका कुरा गरेर मधेसी मतदाता ठग्ने कसरी एकै ठाम ? नाकाबन्दीका कट्टर समर्थक र विरोधीको सालनाल कहॉ जोडिएको रहेछ ? दुबैको मुकुण्डो उत्रिएन त ?

यक्ष प्रश्न-संविधान जारी हुॅदा दीपावली गर्ने र ब्ल्याकआउट गर्नेको घाॅटी कसरी जोडियो?अन्धराष्ट्रवादको नारा दिएर पहाडी मतदाता ठग्ने र क्षेत्रीयतावादका कुरा गरेर मधेसी मतदाता ठग्ने कसरी एकै ठाम? नाकाबन्दीका कट्टर समर्थक र विरोधीको सालनाल कहाॅ जोडिएको रहेछ? दुबैको मुकुण्डो उत्रिएन त?

— Baburam Bhattarai (@brb1954) June 4, 2021