हामी सबैकाे संसारन्यूज

१ असार, भारत । एक युवकले युट्युव हेरेर बम बनाए । तर बनाएपछि डिफ्युज कसरी गर्ने भन्ने उनले जानेनन् । बम पड्किने खतरा भएको भन्दै डराएका उनी झोलामा बम बोकेर सिधै प्रहरीकोमा पुगे ।

यो घटना हो भारतको महाराष्ट्र राज्यको । युट्युव हेरेर बम बनाएका राहुल नामका एक युवकले हातमा बम बोकेर नागपुरको नन्दनवन प्रहरी चौकीमा पुगे । उनले बम डिफ्युज गरिदिन भनेर अनुरोध गरेपछि प्रहरी पनि अचम्ममा परे । उनले पहिले त प्रहरी सामु बम आफुले वेवारिस अवस्थामा भेटेको बताएका थिए । उनीमाथि शंका लागेपछि प्रहरीले थप सोधपुछ गर्दा उनले युट्युव हरेर बम बनाएपनि त्यसलाई डिफ्युज गर्न नजानेका कारण प्रहरी चौकीमा लिएर आएको बताए ।

राहुलको कुरा सुन्नासाथ बम डिस्पोजल टोली बोलाएर बम डिफ्युज गर्यो । तर डिफ्युज टोलीले उक्त बममा कुनै बिस्फोटक पदार्थ नभएको प्रहरीलाई जानकारी दिएको थियो । समाचार ऐजेन्सीका अनुसार अहिले ती युवा प्रहरी हिरासतमा रहेका छन् ।