हामी सबैकाे संसारन्यूज

२ असार, काठमाडौं । नेपाली कांग्रेसका सभापति शेर बहादुर देउवाले देशैभरी अविरल वर्षापछि आएको बाढी र पहिरोका कारण पीडित बनेकाहरुको युद्धस्तरमा उद्धार र राहत वितरण कार्यमा जुट्न अपिल गरेका छन् ।

सिन्धुपाल्चोक जिल्लाको चौतारा र हेलम्बु, मनाङ, मुस्ताङ, कास्की, गोरखा जिल्ला लगायतका विभिन्न स्थानमा बाढी र पहिरोका कारण भएको जनधनको क्षतिका घटनाप्रति सरकारको ध्यानाकर्षण गराउँदै युद्धस्तरमा उद्धार, हराएकाहरुको खोजी तथा स्थानीयबासीहरुलाई सुरक्षित स्थानतरण, घाईतेको उपचार र राहतको कार्यमा सक्रियताका साथ लाग्न सबैमा अपिल गरेका छन् ।

सभापति देउवाले स्थानीय पार्टी पंक्तिलाई सक्रियतापुर्वक उद्धार र राहतको कार्यमा संलग्न हुन निर्देशन गरिसकेको समेत बताएका छन् ।‘पार्टीका साथिहरुलाई व्यवस्थित ढंगले कार्य गर्न थप आग्रह गर्दैै यो विपत्तिको सामना संयम र एकतापूर्वक गर्न स्थानीय सबै दिदीबहिनी–दाजुभाइमा अपिल गर्दछु ।’ सभापति देउवाद्धारा जराी विज्ञप्तिमा भनिएको छ ।