Sansar News
६ असार, पोखरा । कोरोना संक्रमणबाट गण्डकी प्रदेशमा थप ८ जनाको मृत्यु भएको छ । प्रदेशको स्वास्थ्य निर्देशनालयका अनुसार आज कास्कीका ५ र नवलपरासीपूर्वमा ३ गरी ८ जनाको मृत्यु भएको हो ।
त्यसैगरी आज म्याग्दीमा ८, पर्बतमा ९, लमजुङमा ८, तनहुँमा १४, कास्कीमा ४५, बागलुङमा १०, स्याङ्जामा २ र नवलपसाीपूर्वमा २० गरी जम्मा ११६ जना संक्रमित थपिएका छन् । ११६ जनामा ६२ जना महिला र ५४ जना पुरुष रहेका छन् ।
आज थपिएका ११६ जनासँगै प्रदेशमा हालसम्म ५२,४१४ संक्रमित भएका छन् । ती मध्ये ४७,७७४ जना संक्रमणबाट मुक्त भएका छन् भने ८८९ जनाको मृत्यु भएको छ ।
वि.सं.२०७८ असार ६ आइतवार १७:५१ मा प्रकाशित
