Sansar News
६ असार, काठमाडौं । सरकारले एसिड आक्रमणमा परेका पीडितहरुको उपचार निःशुल्क गर्ने भएको छ ।
एसिड आक्रममणमा परेका पीडितहरुको उपचार सम्बन्धी कार्यविधि, २०७८ स्वीकृत गरेसँगै एसिड पिडितहरुले निःशुल्क उपचार पाउने भएका हुन् । स्वास्थ्य तथा जनसंख्या मन्त्रालयले जेठ ३१ गते देखि नै लागू हुने गरी कार्यविधि स्वीकृत गरेको छ ।
पीडितको उपचारका लागि स्वास्थ्य तथा जनसंख्या मन्त्रालयले चार सरकारी अस्पताललाई तोकेको छ ।
मन्त्रालयले काठमाडौंका त्रिवि शिक्षण अस्पताल, वीर अस्पताल, पाटन अस्पताल र कीर्तिपुर अस्पताल तोकेको छ ।
यी अस्पतालहरुले पीडितको उपचार गरेको सोध भर्ना भुक्तानी सिफारिस समितिले रुजु गरेसँगै नसिङ्ग तथा सामाजिक सुरक्षा महाशाखाले नेपाल सरकारले एसिड आक्रमणमा परेका पीडितलाई उपचार गर्न भनि विनियोजना गरेको कोषबाट दिइने कार्यविधिमा जनाइएको छ ।
वि.सं.२०७८ असार ६ आइतवार १९:०५ मा प्रकाशित
