Sansar News
७ असार, काठमाडौं । पछिल्लो २४ घण्टामा कोरोनाका २,२९७ जना नयाँ संक्रमित थपिएका छन् । पछिल्लो २४ घण्टामा ६,५८३ पिसीआर र ४३२१ ऐन्टिजेन गरी १०,९०४ नमुना परीक्षणमा २२९७ जना संक्रमित थपिएका हुन् ।
आज भक्तपुरमा ३३, ललितपुरमा ६१ र काठमाडौंमा २८५ गरी उपत्यकामा ३७९ जनामा संक्रमण पुष्टि भएको छ ।
.नेपालमा हालसम्म पिसीआर र ऐन्टिजेन गरी जम्मा ३४ लाख २२ हजार ७३२ नमुना परीक्षण गरिएकोमा ६ लाख ४९ हजार ९५३ जनामा कोरोना संक्रमण पुष्टि भएको छ ।
त्यसैगरी पछिल्लो २४ घण्टामा देशैभरी ३१३० जना कोरोना संक्रमणबाट मुक्त भएका छन् । आज निको भएका ३१३० जनासँगैै नेपालमा कोरोना संक्रमणबाट मुक्त हुनेको संख्या ५ लाख ५९ हजार ९२८ पुगेको छ । मन्त्रालयका अनुसार निको हुनेको यो संख्या ८९.९ प्रतिशत हो ।
त्यस्तै पछिल्लो २४ घण्टामा ४६ जना कोरोना संक्रमितको मृत्यु भएको छ । आज मृत्यु भएका ४६ जनासँगै नेपालमा हालसम्म ज्यान गुमाउनेको संख्या ८,७७२ पुगेको मन्त्रालयद्धारा जारी विवरणमा उल्लेख छ ।
मन्त्रालयका अनुसार हाल नेपालमा हाल ५३ हजार ९४० जना संक्रिय संक्रमित रहेका छन् । ती मध्ये होम आइसोलेशनमा ५० हजार ३०४ जना र संस्थागत आइसोलेशनमा ३६३६ जना रहेका छन् ।
त्यस्तै देशैभरीका विभिन्न अस्पतालका आइसीयुमा ८११ र भेन्टिलेटरमा २३७ जनाको उपचार भइरहेको छ ।
वि.सं.२०७८ असार ७ सोमवार १७:२२ मा प्रकाशित
