Sansar News
७ असार, काठमाडौं । आईएमई लाइफ इन्स्योरेन्स कम्पनीले आईपीओ (प्राथमिक सेयर) निष्काशनका लागि ‘केयर एनपी ट्रिपल बी’ रेटिङ प्राप्त गरेको छ ।
रेटिङ एजेन्सी केयर नेपालका अनुसार उक्त रेटिङले समयमा नै वित्तीय दायित्व पूरा गर्न सक्षम रहेको मध्यमस्तरको सुरक्षित कम्पनी जनाउँदछ ।
कम्पनीले ६० करोड रूपैयाँको प्राथमिक सेयर निष्काशनका लागि रेटिङ गराएको हो । रेटिङ एजेन्सीको रिपोर्ट प्राप्त भएसँगै अब कम्पनीको प्राथमिक सेयर निष्काशनको प्रक्रिया अघि बढ्नेछ ।
कम्पनीले १२० वटा शाखा कार्यालयबाट बीमितहरूलाई सेवा प्रदान गर्दै आइरहेको छ । हाल कम्पनीको चुक्ता पुँजी एक अर्ब ४० करोड रूपैयाँ रहेको छ ।
प्राथमिक सेयर निष्काशनपछि कम्पनीको चुक्ता पूँजी दुई अर्ब रूपैयाँ पुग्नेछ । प्राथमिक सेयर निष्काशनपछि संस्थापक सेयरधनीहरूको हिस्सा ७० प्रतिशत र सर्वसाधारणको सेयर हिस्सा ३० प्रतिशत हुने कम्पनीले जनाएको छ ।
वि.सं.२०७८ असार ७ सोमवार २०:१६ मा प्रकाशित
