हामी सबैकाे संसारन्यूज

१० असार, पोखरा । गण्डकी प्रदेशमा पछिल्लो २४ घण्टामा थप ९ जना कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार आज कास्कीका ४, तनहुँका २, स्याङजाका २ र नवलपरासीपूर्वका १ गरी ९ जनाको मृत्यु भएको हो । आज थपिएका ९ जनासँगै प्रदेशमा हालसम्म ९१४ जनाको मृत्यु भएको छ ।

त्यसैगरी पछिल्लो २४ घण्टामा मुस्ताङमा ४३, म्याग्दीमा ३, पर्बतमा ४, गोरखामा २६, लमजुङमा २६, तनहुँमा ३५, कास्कीमा ११८, बागलुङमा ३०, स्याङजामा १० र नवलपरासीपूर्वमा २६ जना गरी ३२१ जना नयाँ संक्रमित थपिएका हुन् । ती मध्ये १४४ जना महिला र १७७ जना पुरुष रहेका छन् ।

आज थपिएका ३२१ जनासँगै प्रदेशमा संक्रमित हुनेको संख्या ५३,७०८ पुगेको छ भने सोहि अवधिमा ४९,९११ जना संक्रमणबाट मुक्त भएका छन् ।

प्रदेशमा हाल २,८८३ जना सक्रिय संक्रमित रहेका छन् । ती मध्ये होम आइसोलेशनमा २५९३ जना रहेका छन् भने अस्पताल तथा संस्थागत आइसोलेशनमा रहनेको संख्या २९० रहेको छ ।