Sansar News
१३ असार, काठमाडौं । हाल देशैभरी मनसुनी वायु तथा देशको दक्षिण भू–भाग नजिक रहेको मनसुनी न्युन चापिय रेखा रहेको छ ।
मौसम पूर्वानुमान महाशाखाका अनुसार आज देशका धेरै स्थानहरुमा हल्का देखि मध्यम वर्षाको सम्भावना रहेको छ । साथै प्रदेश नं १ र बागमती प्रदेशका एक वा दुई स्थानमा मेघगर्जन÷चट्टयाङ्ग सहित भारी वर्षाको सम्भावना रहेको छ ।
त्यस्तै राति पनि देशका केही स्थानहरुमा हल्का देखि मध्यम वर्षाको सम्भावना रहेको छ । प्रदेश नं १ र बागमती प्रदेशका एक वा दुई स्थानमा मेघगर्जन/चट्टयाङ्ग सहित भारी वर्षाको सम्भावना रहेको पनि महाशाखाले जनाएको छ ।
त्यस्तै आज कन्काई, कोशी, कमला जलाधारका केहि स–साना सहायक नदीमा क्षणिक मध्यम/भारी बर्षा भई बहाब बढ्ने र केही स–साना नदीमा आकस्मिक बहाब हुन सक्ने पूर्वानुमान रहेकाले नदी तटीय क्षेत्रका क्रियाकलापमा सतर्कता अपनाउन अनुरोध गरिएको छ ।
यस्तो छ सूचना
वि.सं.२०७८ असार १३ आइतवार ०८:३९ मा प्रकाशित
