Sansar News
१४ असार, काठमाडौं । हाल देशैभरी मनसुनी वायुको प्रभाव तथा देशको दक्षिणी भू–भाग नजिक मनसुनी न्यून चापिय रेखा रहेका कारण देशका विभिन्न भागमा वर्षा भइरहेको छ ।
आज दिउँसो देशका केही स्थानहरुमा हल्कादेखि मध्यम वर्षाको सम्भावना हुनुका साथै प्रदेश नं १ र बागमती प्रदेश एक वा दुई स्थानहरुमा भारी वर्षाको सम्भावना रहेको मौसम पूर्वानुमान महाशाखाले जनाएको छ ।
त्यस्तै राति पनि प्रदेश नं १, प्रदेश नं २, बागमती प्रदेश र गण्डकी प्रदेशका केहि स्थान तथा लुम्बिनी कर्णाली र सुदुरपश्चिम प्रदेशका थोरै स्थानहरुमा हल्का देखि मध्यम वर्षाको सम्भावना रहेको छ । प्रदेश नं १ र बागमती प्रदेशका एक वा दुई स्थानमा भारी वर्षाको सम्भावना रहेको महाशाखाले जनाएको छ ।
यस्तो छ बाढी पूर्वानुमान
त्यस्तै आज कोशी, कन्काई र यसका स–साना सहायक नदीमा बहाब केही बढ्ने तथा प्रदेश १ का इलाम, झापा, मोरङ, सुनसरी, उदयपुर र धनकुटा भइ बहने नदीहरुमा बहाव बढ्ने र केहीमा आकस्मिक बाढी आउन सक्ने पूर्वानुमान गरिएको छ ।
वि.सं.२०७८ असार १४ सोमवार ०८:४२ मा प्रकाशित
