Sansar News
१४ असार, काठमाडौं । कोरोना संक्रमणबाट बागमती प्रदेशमा थप ७ जनाको मृत्यु भएको छ ।
प्रदेशको सामाजिक विकास मन्त्रालयका अनुसारप्रदेशमा आइतबार काठमाडौंका ७० र ८७ वर्षीय २ पुरुष र ४१ वर्षीया १ महिला गरी ३ जनाको मृत्यु भएको छ ।
त्यस्तै ललितपुरमा ४८ वर्षीय पुरुष, सिन्धुपाल्चोकमा ७६ वर्षीय पुरुष, काभ्रेपलान्चोकमा ३३ वर्षीया महिला र चितवनमा ३४ वर्षीय पुरुष गरेर ७ जनाको मृत्यु भएको हो ।
प्रदेशमा आइतबार पिसीआर र ऐन्टिजेन विधिबाट गरिएको ४३२७ नमुना परीक्षणमा ७५७ जना नयाँ संक्रमित थपिएका छन् । ती मध्ये सबैभन्दा बढी संक्रमित हुने जिल्ला काठमाडौं, ललितपुर र नुवाकोट रहेका छन् ।
प्रदेशमा हाल आइसीयुमा २५३ जना र भेन्टिलेटरमा १२१ जनाको उपचार भइरहेको छ ।
त्यस्तै प्रदेशमा हालसम्म ३ लाख ३९ हजार ३११ जना संक्रमित भइसकेका छन् भने ३ लाख २६ हजार ६०७ जना निको भइसकेका छन् । साथै हालसम्म कूल संक्रमित मध्ये ३८२३ जनाको निधन भएको पनि मन्त्रालयद्धारा जारी विवरणमा उल्लेखछ ।
वि.सं.२०७८ असार १४ सोमवार ०९:०५ मा प्रकाशित
