Sansar News
१७ असार । माछापुच्छ्रे बैंकले प्रदेश नं २ को सिरहा जिल्लामा सिरहा शाखा कार्यालयको उद्घाटन गरी सञ्चालनमा ल्याएको छ ।
सिरहा जिल्लाको सदरमुकाम सिरहा बजारमा सञ्चालनमा ल्याईएको उक्त शाखा कार्यालयको उद्घाटान माछापुच्छ्रे बैंकका अध्यक्ष डा. विरेन्द्रप्रसाद महतो र सिरहा नगरपालिकाका नगरप्रमुख अशेश्वर यादवले गरेका थिए । जिल्लाको सदरमुकाम सिरहा बजारमा खोलिएको नयाँ शाखासँगै सिरहा जिल्लामा मात्रै बैंकको शाखा ६ वटा पुगेको बैंकले जनाएको छ ।
बैंकले देशका हरेक वर्ग र समुदायसम्म बैंकिङ सेवाको पुहँचका लागि नयाँ नयाँ स्थानमा आफ्नो सेवा विस्तार गर्दै आएको छ । बैंकले नयाँ शाखाहरुमार्फत कर्जा, निक्षेप लगायतका अन्य सम्पूर्ण बैंकिङ्ग सुविधाहरु दिँदै आएको बताएको छ ।
बैंकले सातै प्रदेशमा आफ्ना १६१ वटा शाखाहरु र १६५ शाखा रहित बैकिङ्ग सेवा समेत गरी जम्मा ३२६ स्थानवाट बैंकिङ सुविधा दिँदै आएको छ । देशभर बैंकका दुई सय भन्दा बढी एटीएम तथा पाँचवटा एक्टेन्सन काउन्टर संचालनमा छन् रहेका छन ।
वि.सं.२०७८ असार १७ बिहीवार १२:३२ मा प्रकाशित
