हामी सबैकाे संसारन्यूज

१७ असार, काठमाडौँ । शुक्रबारबाट भिसा सेवा सुचारु हुने भएको छ । कोरोना महामारीको दोस्रो लहर शुरुभएसँगै बन्द भएको भिसा सेवा पुन सुचारु हुन लागेको हो ।

अध्यागमन विभागका निर्देशक तथा प्रवक्ता झंकनाथ ढकालका अनुसार बन्द सेवाहरु शुक्रबार असार १८ गतेदेखि पूर्ववत अवस्थामा सुचारु हुन लागेको छ ।

अन्तर्राष्ट्रिय एवम् आन्तरिक उडानहरु सूचारु हुँदै गइरहेको तथा स्थानीय प्रशासनबाट जारी निषेधाज्ञ समेत केही खुुकुलो भई सार्वजनिक सवारी साधनमसेत संचालन हुन थालेको हुँदा विभागले स्थगित गरेका सम्पूर्ण सेवाहरु नेपाल सरकारले तोकेको स्वास्थ्य र सुरक्षा मापदण्ड पालना गर्नेगरी सेवा सूचारु गर्न लागिएको विभागले जनाएको छ ।

विभागले आगामी एक सातासम्म नेपालमा रहेका पर्यटकले भिषा सम्बन्धित कामका लागि विभिन्न सुविधा दिने बताएको छ । २०७८ वैशाख १५ सम्म वैध भिसा पाएका विदेशी नागरिक २४ असारभित्र नेपालबाट बाहिरिँदा अध्यागमन कार्यालय, त्रिभुवन विमानस्थलबाट निःशुल्क भिषा नियमित गरिने बताइएको छ ।

नेपालमा रहन चाहने विदेशीले भिसा नियमित गर्नका लागि विभाग वा अन्तर्गतका कार्यालयहरुमा आवेदन गरेमा बिलम्ब शुल्क र जरिवाना नलिई भिसाा नियमित गरीने छ ।

तर २०७८ असार २४ गते पश्चात भिसा नियमित गर्न आउने र नेपालबाट प्रस्थान गर्ने विदेशीको हकमा भने नियमानुसार भिसा शुल्क, बिलम्ब शुल्क र जरिवाना लाग्ने जनाइएको छ ।