हामी सबैकाे संसारन्यूज

असार २८, काठमाडौं । विपक्षी गठबन्धनको बैठक माधवकुमार नेपाल निवास कोटेश्वरमा बस्ने भएको छ । सर्वोच्च अदालतले गरेको फैसलाका सन्दर्भमा छलफल गर्न गठबन्धनको बैठक बस्न लागेको हो ।

बताइएअनुसार साँझ ५ बजेदेखि बैठक बस्ने गरि तयारी भएको छ ।

सोमबार अदालतले दोस्रो पटक संसद पुनःस्थापना गर्दै कांग्रेस सभापति शेरबहादुर देउवालाई २ दिनभित्र प्रधानमन्त्री बनाउन राष्ट्रपति विद्यादेवी भण्डारीको नाममा परमादेश जारी गरेको छ । अदालतको आदेशअनुसार दलहरु आगामी योजना बनाउन छलफलमा जुट्न लागेका हुन् ।

विपक्षी गठबन्धनमा नेपाली कांग्रेससहित नेकपा (माओवादी केन्द्र), नेकपा (एमाले)को माधव समूह, जनता समाजवादी पार्टीको उपेन्द्र यादव समूह र राष्ट्रिय जनमोर्चा सहभागी छ । प्रधानमन्त्रीको दाबी गर्दा देउवाको पक्षमा विपक्षी गठबन्धनका तर्फबाट १४६ सांसदहरुले हस्ताक्षर गरेका थिए ।