Sansar News
असार २९, काठमाडौं । प्रधानमन्त्री केपी शर्मा ओलीले आज दिउँसो २ बजे सम्बोधन गर्ने भएका छन् । प्रधानमन्त्री निवास बालुवाटारबाट उनले अपराह्न २ बजे सम्बोधन गर्ने उनका प्रेस सल्लाहकार सूर्य थापाले जानकारी दिए ।
नेपाली कांग्रेसका सभापति शेरबहादुर देउवालाई सर्वोच्च अदालतले प्रधानमन्त्रीमा नियुक्त गर्न परमादेश जारी गरेपछि आजदेखि ओली पदमुक्त हुँदै छन् । उनले आजै प्रधानमन्त्रीको सरकारी निवास पनि छाड्दै छन् ।
त्यस्तै आज बस्ने भनिएको एमालेको स्थायी कमिटी बैठक स्थगित भएको छ । आज दिउँसो एक बजेका लागि स्थायी कमिटी बैठक डाकिएको थियो ।
वि.सं.२०७८ असार २९ मंगलवार ११:५४ मा प्रकाशित
