हामी सबैकाे संसारन्यूज

२९ असार, काठमाडौं । भारतमा कोरोना संक्रमित हुनेको संख्या दिनप्रतिदिन घटेको छ ।

भारतमा सोमबार ३० हजार ८१८ जना नयाँ संक्रमित थपिएका छन् । साथै सोमबार ४८ हजार ९१६ जना संक्रमणबाट मुक्त भएका छन् । कोरोना संक्रमित हुनेको संख्या निरन्तर घट्दै गएपनि मृत्यु हुनेको संख्या भने पुनः बढ्न थालेको छ । भारतमा सोमबार एकैदिन २,०२४ जनाको मृत्यु भएको छ । समाचार ऐजेन्सीका अनुसार मृत्यु हुनेको यो संख्या २७ दिनयताकै बढी हो ।

भारतमा हालसम्म कोरोना संक्रमित हुनेको संख्या ३ करोड ९ लाख पुगेको छ भने कूल संक्रमित मध्ये ३ करोड निको भइसकेका छन् । साथै ४ लाख १० हजारले संक्रमणका कारण ज्यान गुमाइसकेका छन् भने हाल ४ लाख २५ हजार सक्रिय संक्रमितको उपचार भइरहेको छ ।