हामी सबैकाे संसारन्यूज

३० असार, काठमाडौँ । वरिष्ठ लेखक खगेन्द्र संग्रौलाले निवर्तमान प्रधानमन्त्री केपी शर्मा ओलीबाट पर्दा पछाडिबाट प्रतिशोध लिने खेल हुन सक्ने अवस्था देखिएको भन्दै प्रधानमन्त्री शेरबहादुर देउवालाई सर्तक गराएका छन् ।

ओलीबाट राष्ट्रपति मार्फत पर्दा पछाडिबाट यस्तो खेल हुन सक्ने भन्दै सामाजिक सञ्जाल टिव्टरमा टिव्ट गर्दै लेखक संग्रौलाले सर्तक गराएका हुन् ।

प्रधानमन्त्री देउवाको नियुक्ति-पत्रमा नाङ्गो किर्ते कर्म गर्ने/गराउने राष्ट्रपति विद्याले सरकारलाई असहयेग गरी सक्दो सताउने लक्षण देखिएको भन्दै संग्रौलाले भनेका छन् ‘पर्दा पछाडिबाट गरिने बालकोटे प्रतिशोधलाई ठट्टा नठानौँ।’

सरकारकालाई हुन सक्ने असहयोगलाई तगारो पन्छाउन राष्ट्रपतिलाई महाअभियोग लगाएर पदच्यूत गरिहाल्नु पर्ने बताएका छन् ।

उनले भनेका छन् ‘सरकारका बाटाको तगारो पन्छाउन यिनलाई महाअभियोग लगाएर पदच्यूत गरिहाल्नु आवश्यक ठहरियो।’

देउवाकाे नियुक्ति-पत्रमा नाङ्गाे किर्ते कर्म गर्ने-गराउने राष्ट्रपति विद्याले सरकारलाई असहयेग गरी सक्दाे सताउने लक्षण देखियाे।सरकारका बाटाकाे तगाराे पन्छाउन यिनलाई महाअभियाेग लगाएर पदच्यूत गरिहाल्नु आवश्यक ठहरियाे।देउवाजी,पर्दा पछाडिबाट गरिने बालकाेटे प्रतिशाेधलाई ठट्टा नठानाैँ।

— Khagendra Sangroula (@belakoboli) July 14, 2021