हामी सबैकाे संसारन्यूज

साउन १, काठमाडौं । नेकपा (एमाले)को बैठक स्थलबाट माधवकुमार नेपाल पक्षीय नेताहरु बाहिरिएका छन् । बैठक रोक्न माग गर्दै बैठक स्थलमा पुगेका उनीहरु प्रस्ताव अस्वीकृत भएसँगै बाहिरिएका हुन् ।

माधव पक्षले बैठक रोक्न र समझदारी कायम गरेर अघि बढ्न पार्टी अध्यक्ष केपी शर्मा ओलीलाई प्रस्ताव गरेको थियो । तर, अध्यक्ष ओलीले ठाडै अस्वीकार गरेसँगै आफुँहरु बैठकबाट बाहिरिएको माधव पक्षीय नेता भीम रावलले जानकारी दिए ।

कार्यदलको सुझाब र पछिल्लो राजनीतिक घटनाका आधारमा न्यूनतम समझदारी कायम गरेर बैठक बोलाउन आफुँहरुले अनुरोध गरेको रावलले बताएका छन् ।

‘बैठक बोलाउनुभन्दा अघि ओली जी र माधव जीबीच शीर्ष तहमा छलफल गर्ने, त्यसपछि हाम्रो तहमा छलफल गर्ने, हामीले कार्यदलको बैठकमा जुन प्रक्रियागत कुराहरु गरेका थियौं तद्अनुसार अगाडि जाने कुरा आग्रह गर्यों’ रावलले भनेका छन्, ‘तर, उहाँले हाम्रो कुरा सुन्न चाहनुभएन, हामीमा बैठकमा बस्ने अवस्था भएन् ।’

अहिले तुलसीलाल प्रतिष्ठान, च्यासलमा एमालेको स्थायी कमिटी बैठक जारी छ । बैठकमा ओली पक्षीय स्थायी समिति सदस्यहरु मात्रै सहभागी छन् ।