हामी सबैकाे संसारन्यूज

१ साउन । भारतीय टेलिभिजन कलर्स च्यानलबाट प्रसारण भएकाे चर्चित टेलिसिरियल ‘बालिका बधु’की कल्याणी देवी उर्फ दादी सा को भूमिकामा रहेकी सुरेखा सीकरीको निधन भएको छ ।

बालिका बधुमा रुढिवादी दादी सा को भूमिका निर्वाह गरेकी ७५ वर्षीया सुरेखाको शुक्रबार बिहान हृदयघातबाट निधन भएको भारतीय सचारमाध्यमले जनाएका छन् । पछिल्लो दिनहरुमा फोक्सो सम्बन्धी रोगबाट पीडित उनको गत वर्ष ब्रेन स्ट्रोक भएको थियो ।

सुरेखालाई दुई पटक ब्रेन स्ट्रोक भएको थियो । सन् २०१८ मा महाबलेश्वर एक टिभि सोको सुटिङमा ब्रेन स्ट्रोक भएको उनको टाउकोमा चोट लागेको थियो । त्यहि कारण उनलाई प्यारालाइसिस भएको थियो । पछि ठिक भएपनि लकडाउनको समय पुनः दोस्रो पटक ब्रेन स्ट्रोक भएपछि उनलाई आइसियुमा राखेर उपचार भएको थियो । उपचारकै क्रममा उनको मृत्यु भएको हो ।

दिल्लीमा जन्मिएकी दादी साले आफ्नो अध्ययन सकेपछि स्न १९७१ पछि थिएटरमा प्रवेश गरेकी थिइन् । एनएसडी रिपेट्री कम्पनीमा दसवर्ष काम काम गरेपछि चलचित्रमा खेल्ने सोचका साथ दिल्लीबाट मुम्बई गइने । फिल्ममा सपोर्टिभ कलाकारको रुपमा र टेलिसिरियलमा सक्रिय रहिन् ।

उनले टेलिसिरियलमा पछिल्लो सो सन् २०१७ मा एक था राजा एक थी रानी र राणा जी की दादी को भूमिका निभाएकी थिइन् । पछिल्लो पाँच वर्षमा उनी वे बधाई हो, शी कुरमा, घोष्ट स्टोरीजको फिल्ममा खेलेकी छन् । तीन पटक नेशनल अवार्डसमेत जितेकी सुरेखाले सपोटिङ भूमिमा थुप्रै अवार्ड जितेकी छन् ।