हामी सबैकाे संसारन्यूज

१ साउन, काठमाडौं । नेपालमा आज २९३६ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९६१३ पिसीआर र ४,५६९ ऐन्टिजेन गरी १४,१८२ वटा नमुना परीक्षणमा २९३६ जना संक्रमित थपिएका हुन् । बिहीवारको तुलनामा शुक्रवार संक्रमितको संख्या केही बढेको छ ।

त्यस्तै पछिल्लो २४ घण्टामा भक्तपुरमा ६२, ललितपुरमा १३६ जना र काठमाडौंमा ३४३ जना गरी उपत्यकामा आज ५४१ जना संक्रमित थपिएका छन् । बिहीवारको तुलनामा आज संक्रमित हुनेको संख्या केही बढी हो ।

नेपालमा हालसम्म ३४ लाख ५६ हजार १९९ पिसीआर र २ लाख ५६ हजार ६२३ विधिबाट गरीएको ३७ लाख १२ हजार ८२२ नमुना परीक्षणमा हालसम्म ७ लाख १२ हजार ३४३ जना संक्रमित भएका छन् ।

त्यसैगरी पछिल्लो २४ घण्टामा देशैभरी १७७५ जना कोरोना संक्रमणबाट मुक्त भएका छन् । आज निको भएका १७७५ जनासँगैै नेपालमा कोरोना संक्रमणबाट मुक्त हुनेको संख्या ६ लाख २८ हजार २४३ जना निको भइसकेका छन् ।

त्यस्तै पछिल्लो २४ घण्टामा ४३ जना कोरोना संक्रमितको मृत्यु भएको छ । आज थपिएका ४३ जनासँगै नेपालमा हालसम्म ज्यान गुमाउनेको संख्या ९,५०६ पुगेको मन्त्रालयद्धारा जारी विवरणमा उल्लेख छ । पछिल्ला केही दिनयता कोरोनाबाट मृत्यु हुनेको संख्या पुनः बढ्न थालेको छ ।

मन्त्रालयका अनुसार नेपालमा हाल २६ हजार ८२७ जना संक्रिय संक्रमित रहेका छन् । तीमध्ये होम आइसोलेशनमा २४ हजार २७४ र संस्थागत आइसोलेशनमा २,५५३ जना रहेका छन् । विहीवारको तुलनामा आज होम आइसोलेशनमा बस्नेको संख्या बढेको छ ।

त्यस्तै देशैभरीका विभिन्न अस्पतालका आइसीयुमा ५७८ र भेन्टिलेटरमा १७४ जनाको उपचार भइरहेको छ ।

आज देशैभरी थपिए २६७६ कोरोना संक्रमित, ३३ जनाको मृत्यु