Sansar News
७ साउन, काठमाडौं । वागमती प्रदेशमा बुधवार थप ८ कोरोना संक्रमितको मृत्यु भएको छ ।
प्रदेशको सामाजिक विकास मन्त्रालयका अनुसार काठमाडौंमा ५५ वर्षीय एक पुरुष र ४७ र ४८ वर्षीया २ महिला गरी ३ जना, ललितपुरमा ३५ र ९१ वर्षीय २ पुरुष, भक्तपुरमा ७७ वर्षीय पुरुष र ७५ वर्षीया २ महिला तथा चितवनमा ८४ वर्षीया महिला र ८० वर्षीय पुरुष गरी ८ जनाको ज्यान गएको हो ।
बुधवार थपिएका ८ जनासँगै प्रदेशमा हालसम्म ज्यान गुमाउनको संख्या ३९८८ पुगेको छ ।
त्यसैगरी प्रदेशमा बुधवार पिसीआर र ऐन्टिजेन विधिबाट गरिएको ६७२४ नमुना परीक्षणमा १२२२ जना संक्रमित थपिएका हुन् । प्रदेशमा केहीदिनयता संक्रमित हुनेको संख्या बढ्दै गएको पाइएको छ ।
बुधवार थपिएका १२२२ जनासँगै प्रदेशमा हालसम्म संक्रमित हुनेको संख्या ३ लाख ६२ हजार २८८ पुगेको छ ।
त्यस्तै कूल संक्रमित मध्ये ३ लाख ४९ हजार २३१ ज्ना संक्रमणबाट मुक्त भएको मन्त्रालयद्धारा जारी विवरणमा उल्लेखछ ।
प्रदेशका विभिन्न जिल्लामा रहेका अस्पताल तथा आइसीयुमा ३४० जना र भेन्टिलेटरमा ९९ जनाको उपचार भइरहेको पनि मन्त्रालयले जनाएको छ ।
वि.सं.२०७८ साउन ७ बिहीवार ०८:५६ मा प्रकाशित
