हामी सबैकाे संसारन्यूज

२२ साउन, काठमाडौं । तेह्रथुमको मेन्छ्यायेम गाउँपालिकाले उपाध्यक्ष गीता तिम्सिना गौतमका ससुराको मृत्युको शोकमा सार्वजनिक विदा दिएको छ ।

पालिकाले उपाध्यक्षका ९६ वर्षीय ससुराको विहीवार राति ११ः४० मा असामयिक निधन भएको निधनले मेन्छ्यायेम गाउँपालिका परिवार मर्माहत भएको भन्दै सार्वजिनक विदा दिएको प्रेसविज्ञप्ति मार्फत् जनाएको छ ।

‘यस शोकको घडीमा मृत आत्माको चिरशान्तिको कामना गर्दै मिति २०७८/०४/२२ गते शुक्रवार एकदिन यस गाउँपालिकाको कार्यालय, वडा कार्यालहरु, गाउँपालिकाभित्रका सम्पूर्ण शैक्षिक संस्थाहरु एवं गाउँपालिका मातहतका कार्यालयहरु (स्वास्थ्य संस्था बाहेक) मा शोक विदा दिने निर्णय भएको व्यहोरा सम्बन्धीत सबैमा जानकारी गराइन्छ ।’ पालिकाका निमित्त प्रमुख प्रशासकिय अधिकृत विष्णुप्रसाद पोखरेलद्धारा जारी सूचनामा भनिएको छ ।