Sansar News
२६ साउन, काठमाडौं । मोटरसाइकलको ठक्करबाट घाईते भएका प्रहरी निरीक्षक (इन्सपेक्टर) कपिल वाग्लेको उपचारका क्रममा मृत्यु भएको छ ।
तनहुँको म्याग्दे गाउँपालिका ४ का ४३ वर्षीय वाग्लेलाई सोमबार राति बाटोमा हिँडिरहेका बेला लु १४ प ८७५८ नम्बरको मोटरसाइकलले ठक्कर दिएको थियो ।
ठक्करपछि गम्भीर घाईते भएका उनको भैरहवास्थित युनिभर्सल कलेज अफ मेडिकल साइन्सेसमा उपचारका क्रममा राति ११ बजेतिर मृत्यु भएको डिएसपी राजु लामाले जानकारी दिएका छन् । वाग्ले इलाका प्रहरी कार्यालय बर्दघाटका इन्चार्ज रहेको बताइएको छ ।
वि.सं.२०७८ साउन २६ मंगलवार ०९:०३ मा प्रकाशित
