Sansar News
साउन ३२, काठमाडौं । सरकारले प्रदेश २ को प्रमुख हेरफेर गरेको छ । सोमबार बसेको मन्त्रिपरिषद बैठकले राजेश अहिराजलाई हटाउँदै हरिशंकर मिश्रलाई नयाँँ प्रदेश प्रमुखको रुपमा नियुक्त गर्न राष्ट्रपति विद्यादेवी भण्डारी समक्ष सिफारिस गर्ने निर्णय गरेको हो ।
अहिराजलाई केपी शर्मा ओली नेतृत्वको सरकारले ७ फागुन २०७७ मा नियुक्त गरेको थियो ।
नयाँ प्रदेश प्रमुखमा नियुक्त भएका मिश्र कांग्रेसका नेता हुन् । उनी नेपाली कांग्रेसका संस्थापक नेता रामनारायण मिश्रका छोरा हुन् ।
२०४८ सालमा कांग्रेसबाट प्रतिनिधि सभा सदस्य बनेका उनी पछिल्लो समय राजनीतिमा त्यति सक्रिय थिएनन् ।
वि.सं.२०७८ साउन ३२ सोमवार १३:५७ मा प्रकाशित
