Sansar News
भदौ १५, काठमाडौं । सत्तारुढ गठबन्धनको बैठक बालुवाटारमा जारी छ । प्रधानमन्त्रीको सरकारी निवासमा जारी बैठकमा प्रधानमन्त्री तथा काँग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल र जनता समाजवादीका अध्यक्ष उपेन्द्र यादव सहभागी छन् ।
सत्ता साझेदार नेताहरुबीच मन्त्रालय भागवण्डाको विषयमा छलफल भईरहेको बुझिएको छ ।
सरकार निर्माण भएको दुई महिना पुग्नै लाग्दा पनि मन्त्रिपरिषद्ले पूर्णंता नपाउँदा चौतर्फी आलोचना भईरहेको छ । आलोचना बढेसँगै दलहरु मन्त्रिपरिषदलाई पूर्णंता दिन जुटेका हुन् ।
दलहरुबीच आइतबारदेखि निरन्तर छलफल जारी छ । बताइएअनुसार आजको बैठकले मन्त्रालयको बाँडफाँडको टुंगो लगाउनसक्ने सम्भावना छ ।
वि.सं.२०७८ भदौ १५ मंगलवार ११:२६ मा प्रकाशित
