हामी सबैकाे संसारन्यूज

१७ भदौ, दार्चुला । नेपाली सेनाले अस्थायी काठे पुल निर्माण गरेको छ ।

नेपाली सेनाको उद्धार टोलीले निजाङ् खोलामा अस्थायी काठे पुल निर्माण गरेको हो । दार्चुलाको महाकाली नगरपालिका – १ र दुहु गाउँपालिका –३ जोड्ने दार्चुला तिंकर सडक खण्डको निजाङ्ग खोलामा निर्मित पक्कि मोटरेवल पुल बाढीले बगाएको हो ।

बाढीले पुल बगाउँदा सो क्षेत्रमा पैदल आवज जावत गर्न समेत असहज भएको थियो । जिल्ला प्रशासन कार्यालय दार्चुला तथा स्थानीय बासिन्दाको अनुरोधमा नेपाली सेनाको उद्धार टोलीले काठे पुल निर्मार्ण गरेका हुन् ।

उक्त पुल निर्माण पश्चात अलपत्र परेका २०० जना व्यक्तिहरु गन्तव्य तिर जान सफल भएको नेपाली सेनाले जनाएको छ ।