हामी सबैकाे संसारन्यूज

भदौ २२, काठमाठौं । नेकपा (एमाले)का अध्यक्ष केपी शर्मा ओलीले नेकपा (एकीकृत समाजवादी) दर्ता अवैधानिक भन्दै सर्वोच्च अदालतमा दर्ता गरेको रिटको सुनुवाइ आज हुने भएको छ । रिट प्रधानन्यायाधीश चोलेन्द्र शमशेर राणाको एक इजलासमा तोकिएको छ ।

निर्वाचन आयोग र सभामुखलाई विपक्षी दायर गरिएको रिटमा पनि प्रधानन्यायाधीश राणाकै इजलासमा सुनुवाइ हुने गरी पेसी चढेको थियो । तर, हेर्न नभ्याइनेमा राखिएको थियो । आज पुन: आफ्नै इजलासमा सुनुवाइ हुने गरी प्रधानन्यायाधीश राणाले पेसी तोकेका हुन् ।

गैरकानूनी रुपमा एमाले विभाजन गरेर बनेको नेकपा एकीकृत समाजवादीलाई दलको मान्यता दिएको भन्दै ओलीले गत बुधवार सर्वोच्चमा रिट दायर गरेका थिए। एमालेले कारबाही गरेका १४ सांसद र ९ केन्द्रीय सदस्यको सनाखत गैरकानूनी भएको ओलीको दाबी छ ।