हामी सबैकाे संसारन्यूज

२८ भदौ, काठमाडौं । नेपाली कांग्रेसको रामचन्द्र पौडेल समूहले डडेलधुराको वडामा पुनः अधिवेशन गर्न माग गरेको छ । डंडेलधुराको वडामा भएको वडा अधिवेशन स्वीकार नगर्ने बताउँदै पुनः वडा अधिवेशन गर्न माग गरेको हो ।

सोमबार बसेको पौडेल समूहको बैठकले डडेलधुरामा एकपक्षीय रुपमा भएको वडा अधिवेशन स्वीकार्य नहुने भन्दै पुनः अधिवेशनको माग गरेको छ ।

बैठकले डंडेल्धुरामा घटेको उक्त अधिवेशन अनियमितता र स्वेच्छाचारी प्रवृत्ति रहेको पनि बैठकको निष्कर्ष रहेको छ । बैठकमा कांग्रेसका वरिष्ठ नेता रामचन्द्र पौडेलले डडेलधुरामा पुनः वडा अधिवेशनको मागसँगै त्यसलाई स्वीकार गर्न तयार नभएको बताएका छन् । उनले भने “पार्टीको १४ औँ महाधिवेशनका क्रममा क्रियाशील सदस्यता वितरणमा धाँधली गरिएको छ, दादागिरी गरेर निष्ठावान् कार्यकर्तालाई पन्छाउन खोजिएको छ, डडेल्धुरामा पार्टी जिल्ला समितिलाई एकातिर राखेर प्रहरी प्रशासनको बलमा वडा अधिवेशन गरिएको छ, यो पार्टीका लागि दुर्भाग्य नबनोस्।’

त्यस्तै डडेल्धुरामा जिल्ला सभापति तथा जिल्ला कार्यसमितिको सहमति र सहभागिता वेगर प्रशासनीक शक्तिको दुरुपयोग गरी नेपाली कांग्रेसको वडा अधिवेशन गराउनु लोकतन्त्रकै उपहास भएकाे उनले बताएका छन् ।

सो बैठकले अधिवेशन हुन बाँकी २० जिल्लामा यस्तो खालको अवस्था सिर्जना उत्पन्न हुन नदिने निष्कर्ष निकालेको छ ।